|
| 終於仲有一個禮拜就放假喇, 真係唸起都開心呀.....最近心情時好時壞, 好既就緊係我終於考到個車牌, 哈哈.......壞既就係學校太忙, 勁多Project要做, 加上D組員又唔齊心, 唉, 激死......今個聖誕,Winnie Ko會黎加拿大探我, 真係好開心....雖然短短一個禮拜, 我唸都好夠玩, 因為多倫多都幾悶......我會帶佢去Montreal玩三日, 一日會去睇大瀑布, 去下Casino, 一日會去Downtown.......或者帶佢見下我D Friends囉!! 講樣好笑野你知, 我尋日係MSN傾計喎, 見到Winnie Hi 我, 好自然就同佢講話佢黎加拿大D 野啦, 講下講下, 我問佢搵到拍拖對象未呀, 佢話我明知故問......咁繼續傾, 佢開始覺得唔係好對路, 佢問我係咪Jacky, 我緊係啦, 之後佢再問你知我我係邊個Winnie呀, 之後我開大我隻眼睛, look一look, 真係搞錯左添, 原來佢係Winnie Tang, 最搞笑係我傻下傻下都同佢傾左成五分鐘..... 好啦, 一得閒就返黎寫多D日記啦, 唔好等自己咁惰先! | | |
| 今日好唔開心, 因為我考車失敗, 開車太慢, 又唔好彩........我一出, 另一部車又出, 我都唔知點好, 咪停左係度囉, 點知佢話我塞住條路, 一出到路口, 勁多車, 出都出唔到, 佢又話我太慢.........最後圍住車場行左一圈, 就返黎, 自己都知出事喇..........唉! | | |
| 今日冇咩野呀, 起身就去左大統華食Lunch同入貨, 反到屋企做左陣功課同睇左陣電視.....冇幾耐就食飯, 之後Benny 同伯母過左黎, 打左四圈麻雀, 贏左17底, 大約係34蚊啦.....之後............訓覺!!!! | | |
| 琴晚Halloween, 都過得去啦, 我冇去邊度慶，慶祝呀, 留左係屋企同埋呀Jacky, Victor, John, Benny打左4圈, 打到都成12點幾, 有D倦意, 同Winnie傾左一陣MSN, 勁快就走左去訓................. | | |
| 今朝一起身, 格左一陣就去學車, 嘩, 今日好犀利呀, 竟然冇咩點比師傅話個, 仲第一次比我上Highway, 好開心呀....不過我十一月十七號就考G2, 有D緊張咁啦....之後去左紅寶石度飲茶, Jacky Wong打電話叫我上去佢果頭溫書, 但係我手頭上仲有份Assignment要趕, 最後都係返左屋企! 聽日就係Halloween, 我買左兩盒Chocolate比我Appartment既office, 順便拿埋個包裹, 係我之前上網係A&F訂既衫, 唔錯!!跟住一路做功課, 一路MSN, 我相信我個班85%既人都係咁, 因為今日係放假既最後一日....個個都同病相連...............直到夜晚食自己, 我惰到飯都冇煮呀, 食番yesterday D "送"...唉, 我D中文愈黎愈差!! 剛剛寫左三張Birthday Card, 聽日記住寄出先得....講住咁多先@ | | |
|
